في المقالة دي هنغطي كل التفاصيل الي محتاج تعرفها عن دراجو اسيوط او ast bicycle اسيوط ودورهم في اسيوط وبعض النصايح عند ركوب العجل في اسيوط
 |
| فريق-ast-bicycle-اسيوط |
نبذة عن فريق assiut bicycle أسيوط للعجل والدراجات الهوائية
هو فريق شبابي من هواة ومحبين ركوب العجل من البنات والاولاد مش بس كدا ابتدأ ينضم لهم مجموعه من الأسكيتر وبيطلعوا معاهم رايدات(سباقات خفيفة) في شكل مجموعات منظمة في ايام بيتم تحديدها عن طريق جروب الواتساب اونلاين قبلها ، جميع نشاطاتها مجانية تماما ويشترط في نشاط الدراجات الإلتزام بجميع اجراءات الأمان زي الخوذة والجوانتي والخلفية والفيست الفسفوري العاكس وده عشان سلامتنا جميعا، وطبعا ماننساش نجيب مياة كفاية للشرب ونكون عاملين صيانة للعجل بتاعنا كوييس قبل كل رايد.
شوية نصايح عند ركوب العجل في اسيوط او وانت في رايد مع اي تيم
- اصحي للطريق كويس جداا وخلي بالك لأن السواقين والموتسيكلات بتظهر فجأة
- لو الطريق اول مره تمشي فيه امشي براحة خصوصا لو العجلة بتاعتك نوعها رود لان في حفر عميقة فالشوارع (علي سبيل المثال حفر شارع الجمهورية)
- لو طلعت رايد مع التيم امشي علي مهلك ومتحاولش تتنافس مع حد وانت في خط سريع مع العربيات والموتسيكلات
- بلاش تتفاخر قوي وتسيب ايدك الاتنين من علي العجلة وانت ماشي فـ رايد علي خط فية عربيات ممكن تبهدل نفسك والتيم كله الي ماشي معاك بسبب تهورك دا
- تمم علي صيانة العجلة دوريا قبل ما تخرج اي رايد علشان تستمتع بالرايد
- عينك علي اشارات المرور واعتبر نفسك سايق عربية وهتاخد مخالفة لو عديت (خلي بالك من نفسك وبلاش تهور تاني) فأقف عادي مجاتش علي دقيقة وخليك امن
أزاي تتواصل مع التيم في اسيوط ؟
تقدر توصل للتيم عن طريق قنوات السوشيال ميديا ومنها
الجروب الرسمي علي واتساب : جروب ast bicycle علي واتساب
صفحتهم علي فيسبوك : صفحة دراجات اسيوط علي فيسبوك
أهم الاسألة المتكررة بخصوص ممارسة رياضة العجل في اسيوط والتيم
س: ازاي اشارك معاكم ؟
معاك عجلة او سكيت ادخل جروبنا علي واتساب بننشر مواعيد الرايدات وبنتقابل حسب المواعيد الي اتفقنا عليها فالجروب بعدها هنبدأ نتحرك حسب المسار الي خططنا له من البداية .
س: عايز أخلي أطفالي يشاركوا معاكم، ينفع؟
ج: في ايام التدريب فقط ل تعليم الاطفال لجميع الأعمار من اول 10 سنوات، اما بل النسبة لو بيعرف يسوق ومتمكن من عجلته ويكون معاه خوذة🚴♂🚴♀
س: عاوزة اتعلم سواقة العجل في اسيوط ،في مدربات ، وفين الاماكن ؟
بالنسبة لسواقة العجل احنا بنوفر كل حاجة من سيفتي وعجلة وكل حاجة و لو كنت ولد هيعلمك كابتن ولد زيك ولو كنتي بنت ففي ليدر بنت هتعلمك واماكن التعليم هتكون في (اما الجامعة - او نادي الجيش - او نادي الواي )
عايز أشتري عجلة أو اكسسوارات في اسيوط ، أشتري ايه ومنين وبكام؟
لو عاوز تشتري عجلة في اسيوط او اكسسواراتها فهنقولك علي بعض المحلات الي نعرفها مع العلم ان الاسعار متغيره فعلشان كدا مش هنتطرق للأسعار او ذكرها اما تشتري اية فدي بتفرق حسب المنطقة الي ساكن فيها ووضع الاسفلت
لو الاسفلت تمام والامور طيبة ننصحك بالعجلة الرود
لو الدنيا عندك الاسفلت بايظ ووضعه سيئ يبقي الماونتن او الهايبرد هيظبطوا معاك
اماكن شراء العجل والدراجات الهوائية في اسيوط
- مينا ليون : أول شارع يسري راغب - امام بنك مصر - شارع عبدالرازق
- بيسكل هاوس: اسيوط اخر شارع عزبة السجن بجوار ماركت ابو يوسف
- بيسكل هوم : النميس - شارع جنينة النميس امام نادى الواى
دي كانت اشهر الاماكن الي بتبيع عجل في اسيوط ،ان شاء الله في مقالة تاني هنشرح لكم تفاصيل الاماكن من عناوين والمنتجات الي بيبيعوها وتفاصيل التواصل
صور الفريق
 |
| فريق-ast-bicycle-اسيوط |
 |
| فريق-ast-bicycle-اسيوط |
 |
| فريق-ast-bicycle-اسيوط |
وبكدا نكون غطينا في المقالة دي اشهر المعلومات عن فريق اسيوط سيكل وبعض اماكن شراء العجل في اسيوط بالاضافة لبعض النصائح عند سواقة العجل في اسيوط .
مقالات ممكن تعجبك :
الموقع غير مسئول عن محتوى التعليقات و نرجو الإلتزام باللياقة في التعبير