لو بتدور علي اشهر وافضل مطاعم أسيوط شارع الجمهورية في المقالة دي بنغطي جميع المطاعم الي فشارع الجمهورية علشان نريحك من التعب والبحث الكتير ومتنساش تبص بصة علي افضل 4 مطاعم كبدة وسجق في اسيوط
 |
| مطاعم أسيوط شارع الجمهورية |
اشهر مطاعم أسيوط شارع الجمهورية
- مطعم الدمياطي فرع الجمهورية (فول وفلافل)
- مطعم البرج (فول وفلافل)
- مطعم بازوكا اسيوط فرع الجمهورية
- مطعم طلعت شارع الجمهورية أسيوط
- ماكندونالدز اسيوط الجمهورية
- ميكس كريب الجمهورية (اسيوط)
- تشيكن وينز اسيوط (شارع جانبي)
شارع الجمهورية اسيوط
من الشوارع المشهورة في اسيوط واغلب توكيلات المحمول والفروع للشركات بتكون متواجده فية بصورة كبيرة زي فرع اوبو اسيوط وتوكيل شاومي اسيوط بسبب حيويتة وقرب المكان لاغلب المواصلات وشوارعها المتواصلة بيها ،بيبدأ الشارع من اول تمثال ام البطل عند مستشفي الرمد نواحي ترعة الابراهيمية او الجامعة القديمة (اداب) وبينتهي بمنطقة اسمها المنفذ عند محطة اسيوط ،بالاضافة لكل دا انه بيودي علي طريق منطقة تجنيد اسيوط لعمل الكشف الطبي للمجندين والي بيشرفونا فيها اهل سوهاج والوداي الجديد وكمان الاسايطة بكل تاكيد .
مطاعم أسيوط شارع الجمهورية
هنحاول نغطي في المقالة كل المطاعم الكويسة والي في طريق شارع الجمهورية كلها ومفيش مشكلة لو تطرقنا لشارع جانبي قريب جدا منه علي بعد خطوتين زي مطعم تشكن وينز
1.مطعم الدمياطي فرع الجمهورية (فول وفلافل)
 |
| مطعم الدمياطي اسيوط |
مفيش حد ميعرفش مطعم الدمياطي للطعمية باسيوط مطعم موجود في اخر شارع الجمهورية عن المنفذ المطعم مفضل ومحبوب بالنسبة لناس كتير وخصوصا الي محلاتهم قريبه منه علشان بيقدم سندويتشات واصناف شعبية مختلفة وطعمها جميل جدا ،المطعم ميختلفش عليه كتير
العنوان : المنفذ - امام محكمة الاسرة (اضغط للخريطة)
المنيو : سيتم اضافتة قريبا
قوائم اخري :اشهر وافضل 6 أماكن للمذاكر والوركسبيس في اسيوط
2.مطعم البرج (فول وفلافل)
 |
| مطعم البرج اسيوط الجمهورية |
المطعم دا علية شوية سلطة عجب،من المطاعم المميزة والمنافس القوي في نفس الشارع لمطعم الدمياطي ،بيكون في انجاز في طلبك وبتاخدة تيك اواي ولو حابب تقعد في قهوة جمبة ،طبعا من المطاعم الاكل الشعبية ومفيش كلام نقدر نقولة اكتر من كدا وهو قريب شوية من مطعم الدمياطي وجمبة بنك وقدامة لوحبيت تسحب فلوس يعني 😂
العنوان : المنفذ - امام بنك القاهرة وبجوار بنك ابو ظبي التجاري adcb (اضغط للخريطة)
المنيو : سيتم اضافته قريبا
3.مطعم بازوكا bazoka اسيوط فرع الجمهورية
 |
| مطعم-بازوكا-bazoka-اسيوط |
مطعم يحب تجمعات العيلة لو عاوز تاكل اكلة ترم العظم وتسد معاك طول اليوم فمطعم بازوكا مميز قوي فالحته دي ،المنيو بتاعهم فية وجبات فرايد تشكن عظيمة تستاهل كل قرش علشانها ولا الجبنة الموتزريلا السايحة حاجة كدا اخر الاقه ولا تورتة بازوكا الي حوارها حوار (نصيحة جهز ميزانية كويسة وانت داخل 😂)
العنوان : ف نص شارع الجمهورية بجوار التجنيد (اضغط للخريطة)
4.مطعم طلعت شارع الجمهورية أسيوط
 |
| صورة ارشيفية - مطعم طلعت فرع (يسري راغب) فرع الجمهورية مشابه له |
مطعم بيقدم اصناف واكلات مختلفة من الاطباق او المشويات اوالمحاشي ،المطعم لية فرعين ومن ضمنهم فرع الجمهورية باسيوط هتلقي عندهم اطباق مختلفة زي مكس جريل طلعت مكس جريل العادي وكمان ستيك مشوي لحمة وكوردن بلو فراخ ولحمة بالاضافة للمحاشي زي محشي ورق العنب ووالكرنب والكوسة ،حاجة يعني هتشبع هتشبع
العنوان : شارع الجمهورية امام فرع فودافون بجوار توكيل موبايلات دريم 2000 (اضغط للخريطة)
المنيو وارقام التواصل والديليفري : منيو مطعم طلعت شارع الجمهورية أسيوط
5.تشيكن وينز - Chick'in Wins اسيوط (شارع جانبي)
 |
| تشيكن وينز اسيوط |
من اشهر مطاعم الفرايد تشكن في اسيوط ،المطعم واخد صيت كويس بين مطاعم الفراخ في اسيوط بسبب جودته ،والمنيو بتاعهم دسم جدا مريح كمان عند قسم السندوتشات هتلقي ديرتي ستار ودا عبارة عن مايونيز وخس وشريحة جبنة وفيلية وخيار مخلل وصوص ديرتي ،دا غير البومر استار وكلاسيك ستار وفايمس ستار القسم مليان سندوتشات ستار .
تعالا بقي للوجبات عندك سيلفي ستار ودي قطع دجاج متتبلة بتبيلتهم الخاصة + عيش وبطاطس وكلسلو
وعندك تشيكن وينز ميل ودا بيختلف سعرة حسب الحجم الي محتاجة
وقررت احطة ضمن مطاعم شارع الجمهورية لانه خطوة بينه وبين شارع الجمهورية في شارع جانبي كدا ،لو كنت عند مطعم طلعت (المشروح فوق) او جنب فرع فودافون الجمهورية ادخل فالشارع بتاعة خطوتين هتكون قدام المطعم
العنوان : 22 شارع المهندسين امام كوفي سنتر (الشارع المتفرع من فرع فودافون الجمهورية) (اضغط للخريطة)
المنيو وارقام التواصل والديليفري : منيو مطعم تشيكن وينجز chiken-wins اسيوط
6.ماكدونالدز اسيوط الجمهورية -mcdonald assiut
 |
| ماكدونالدز اسيوط |
براند غني عن التعريف واكيد مفيش حد مسمعش بالعلامة التجارية ماكدونالدز ،المهم المطعم عندة اصناف وساندويتشات تيك اوي وصالة مختلفة زي ركن اللحوم علي سبيل المثال عندك دبل تشيز تيستي وكمان بيج ماك وتشيز برجر بالاضافة لركن الدجاج زي ماك ناجتس وبيج تستي تشكن ومننساش الاسماك زي دبل فيلية اوفيش ،خلي بالك في المناسبات بيكون المكان او الصالة مليانة وزحمة
العنوان : شارع الجمهورية امام مول الوطنية بجوار المعهد الديني (اضغط للخريطة)
المنيو وارقام التواصل والديليفري : منيو ماكدونالدز اسيوط
7.ميكس كريب الجمهورية (اسيوط)
 |
| ميكس كريب اسيوط |
المطعم دا فتح فاول الجمهورية من ناحية ام البطل جنب بنك سي اي بي ،وكمان ليهم فرع تاني فالقوصية ، المنيو بتاعهم مليان كريبات مختلفة من كل شكل ونوع يعني عندك مثلا في قسم الميكس كريب فراخ البنية ب 4 اضافات مختلفة منها سادة وخضروات ورمي وموتزريلات وباسعار متفاوتة وكمان السوسيس وبرجر لحم وناجتس وعندك الكريسبي ،وعندك كريبات الطاقة بشيكولاتة نوتيلا سادة وموز وحجات كتير لازم تجربها
العنوان : اول شارع الجمهورية بجوار بنك سي اي بي (اضغط للخريطة)
المنيو وارقام التواصل والديليفري : سيتم اضافتة قريبا
اخيرا وليس باخرآ
وبكدا في المقالة دي نكون غطينا اهم مطاعم شارع الجمهورية وان شاء الله قريب هنغطي باقي الشوارع ،لو كنت جربت اي من المطاعم دي بشكل شخصي ساعد غيرك وقولنا رأيك في التعليقات تحت ومتنساش ان "لولا اختلاف الازواق لبارت السلع" يعني الي يعجبك ممكن ميعجبش غيرك بسهولة.
مقالات ممكن تعجبك:
الموقع غير مسئول عن محتوى التعليقات و نرجو الإلتزام باللياقة في التعبير