أحدث منيو وارقام ديليفري مطعم بازوكا Bazooka أسيوط 2023

في اوقات كتير بنبقي زهقانين من البيت ومحتاجين نغير جو احنا والاولاد ،وخصوصا لو كانت مناسبة بخصوص العيد وبنسأل نفسنا عن افضل اماكن للفسح في اسيوط ،ودماغك متجمعش غير بعض الاماكن ،علشان كدا دليل اسيوط هتسهل عليك المهمة وهتقولك علي افضل 9 اماكن للتنزة في اسيوط

أشهر اماكن التنزة والفسح والخروج في اسيوط

أماكن حلوة للخروج في أسيوط

سؤال اتسأل لنا كتير ودا نظرا لأن اغلب الناس معرفتهم بسيطة بالاماكن في اسيوط او تخيلهم ان مفيش اماكن ودا حقيقي تعتبر اسيوط من المحافظات الي منعدمة فيها الانشطة الترفيهية ومفيش اي اهتمام بعمل مساحات خروج وتغيير جو زي سوهاج مثلا الي مهتمة بقطاع النيل والعبارات النيلية الرخيصة بالاضافة للحدائق العامة والممشي السياحي بتاعها المهم في المقالة دي هنسرد لحضراتكم افضل واشهر اماكن التنزة في اسيوط والاسعار ان امكن وبعض التفاصيل عن المكان 

بعض الملاحظات :

• مش بنفضل مكان عن التاني والقائمة عشوائية
• الاماكن بعضها ممكن يكون سعرها عالي حبتين بس وجب ادراجها وكل حسب راحته
• الاماكن مضافة بشفافية تامة ومش اعلان ليها كد ماهيا ممكن تغير مودك 

وكمان عملنا قوائم تانية ممكن تفيدك لو مهتم بالاكل شوف اشهر مطاعم البيتزا في اسيوط بالاضافة لوكنت من محبين القراءة والكتب فعملنا مقالة فيها اشهر وأرخص وأشهر 6 مكتبات لبيع الكتب والروايات فاسيوط ولو انت فريلانسر او طالب وعاوز اماكن للمذاكرة عملنالك قائمة بافضل واشهر مساحات العمل المشتركة والوركسبيس في اسيوط نتمني القوائم دي تكون عجبتك وساعدتك توصل لبعض المعلومات المفيدة في محافظة اسيوط.

أماكن حلوة للفسح والخروج في اسيوط

في القائمة التالي افضل الاماكن للخروج وتغيير الجو والفسح في اسيوط مناسبة للكابلز والعائلات والافراد

• كورنيش النيل باسيوط 
• حديقة الفردوس اسيوط
• المرسي النيلي (بجوار حديقة الفردوس)
• سينما صيدناوى مول اسيوط
• نادي الجيش باسيوط
• نادي اسيوط الرياضي
• جي كروس اسيوط (رحلة نيلية لمدة ساعتين)
• حديقة ناصر بابوتيج(حديقة الحيوان)
• الكوبري العلوي باسيوط
  

 قد يعجبك: اشهر وافضل مطاعم السوري في اسيوط [ دليل شامل 2023 ]

كورنيش النيل في أسيوط

طبعا طبعا من الاماكن المميزة للكابلز وحديثي الجواز ،حابب انوهك لحاجة ان اسيوط فيها 2 كورنيش في الفقرة دي احنا هنتكلم عن الكورنيش الشرقي الي قدام مديرية الامن سابقا وفية كورنيش الغلابة المحندق علي اول الجمهورية ،كورنيش النيل الشرقي من اشهر الاماكن في اسيوط الي تقدر تخرج فيها ودا لأن قدام اشهر المطاعم والكافيهات ووراك النيل وجوه الجامد وممكن بعد ما تاخد خط كورنيش النيل تاخدوا كام صورة عن طريق الفوتوجرافر الموجودين هناك بالاضافة لأنكم ممكن تنزلوا تحجزوا رحلة نيلية بالفلوكة تحت فالنيل واسعارها كويسة ورخيصة

أشهر اماكن التنزة والفسح والخروج في اسيوط  - كورنيش النيل باسيوط

نصائح :

• روح الكورنيش تاني او 3 يوم العيد علشان يكون المكان خف وبقي هادي لأنه بيكون زحمة فترة الاعياد
• هات تسالي ولب معاك علشان تستمتع باليوم واللف مع صحابك او قرايبك
• انزل بالليل علي وقت المغربية 

العنوان: أسيوط - بعد النزل - نهاية شارع الهلالي

 قد يعجبك: اشهر وافضل مطاعم الكشري في اسيوط [الاسعار + ارقام الديليفري + العناوين ]

حديقة الفردوس باسيوط

اكيد اكيد لو سألت اي اسيوطي عن اماكن للفسحة في اسيوط هي اول ما هيرد عليك بيها ودا نظرا لأنها من اكتر الاماكن زيارة خلال الاعياد والمناسبات وحلاوة الموضوع الوسع الي فيه المكان مقسوم 3 مناطق المنطقة الاولي حديقة مفروشة نجيلة والمنطقة التانية تحت عبارة عن كافية ومطعم والمنطقة التالتة فوق ملاهي للأطفال يعني لو حابب تروح انت واسرتك هتكون حديقة الفردوس من الاماكن اللطيفة الي تقدر تستمتع فيها وخصوصا فترة الليل

أشهر اماكن التنزة والفسح والخروج في اسيوط - حديقة الفردوس باسيوط

نصائح :

• انزل بعد العصر تكون الشمس كسرت
• هات اكلك وشيبس والبيبس بتاعك معاك فشنطة لأن الاكل والسناكس سعرة عالي حبة هناك
• هات كورة معاك لو حابب تلعب انت والجماعة والاطفال 
• منطقة الكافتريا تحت لو قعدت علي الكرسي لازم تطلب حاجة وملهاش علاقة بالتذكرة فوق

العنوان : اسيوط النزلة - بجوار المعهد فؤاد الاول 

المرسي النيلي (بجوار حديقة الفردوس)

بين المعهد الازهري وحديقة الفردوس شارع الشارع دا بيطل علي معبر العبارات النيلية الي بتربط اسيوط بالوسطي ممكن تركب انت وحبايبك وتقطع تزكرة رايح جاي فالنيل خلال فترة الاعياد لأن الفترة دي بيكون الجاهزية للعبارة كبيرة ومتظبطة وياه لو معاك شوية سناكس وتسالي هتطلعوا خروجة محصلتش 

أشهر اماكن التنزة والفسح والخروج في اسيوط - المرسى النيلي

سينما صيدناوى مول اسيوط

لو ليك في الافلام فسينما صيدناوي مول باسيوط هتساعدك في دا في كل مناسبات العيد وعند نزول افلام جديدة بتكون السينما مجهزة ابوابها للضيوف للأستمتاع باحدث افلام العيد في اسيوط واسعار التذاكرة مناسبة الي حد ما للجميع بتبدأ سعر التذكرة 40 جنية وبيكون اليوم متقسم علي اقسام بيقولوا عليها حفلات علي سبيل المثال حفلات عيد الاضحي المبارك في اسيوط 2023 حوالي 10 حفلات من الساعة 9 صباحا وحتي 3 الفجر (قد تختلف مع الوقت يرجي الرجوع للمصدر الاساسي)

العنوان: أسيوط المحطة - صيدناوي مول (امام المحطة) الدور التاني

أشهر اماكن التنزة والفسح والخروج في اسيوط  - سينما صيدناوي مول

 قد يعجبك: دليل مطاعم الكريب في اسيوط

نادي الجيش بأسيوط (نادي القوات المسلحة اسيوط)

او كما يطلق عليها نادي ضباط الجيش اسيوط ناس كتير بتسألنا عن مكان نادي الجيش في اسيوط والاغلب ميعرفش انه موجود في الفتح بجوار القناطر القديمة علي الشمال وقدامة نادي الشرطة ،طبعا نادي الجيش مميز جدا دا بسبب الاهتمام الزايد بيه  والمكان حلو جد ومفتوح وهوا عبارة عن ناحيتين الناحية الي فوق ودي مفتوحة والجزء الي علي النيل ودا جزء منفصل يعني لية تذكرة منفصلة لوحدة المكان هادي وحلو وكمان لو بتحب تركب العجل هتلقي هناك اماكن لتاجير الاكل بس غالية شوية لكن هيفضل مكان مميز للكابلز وللخروجات العائلية 

أشهر اماكن التنزة والفسح والخروج في اسيوط - نادي الجيش باسيوط

ملاحظات:

• ممنوع دخول الكاميرات الاحترافية (او مش ممنوع بس هتدفع رسوم محترمة وغالية جداا لو اتمسكت بكاميرا جوا)
• ممنوع دخول المأكولات في المكان وهتدفعوا غرامة 
• الموبايل والتصوير مسموح طبعا بس الكاميرات الاحترافية لأ
• المنطقة الي تحت عالنيل لها تذكرة منفصلة عن الاساسية 

العنوان : أسيوط - مركز الفتح - بجوار قسم شرطة الفتح اخر الخط بجوار القناطر القديمة

نادي اسيوط الرياضي

هو من النوادي المشهورة والي حضرنا فية معرض عصير الكتب من فترة المكان متميز ومقسوم لعدة اجزاء منها جزء كملعب وجزء لتمارين الكاراتية والكورة الطايرة وجزء ككافية مفتوح المكان كويس والاجواء بتكون فية لطيفة لكن مش متأكد أذا كان ينفع الدخول فية للأفراد ولا لأ هنتأكد وهنقولكم التفاصيل قريبا

أشهر اماكن التنزة والفسح والخروج في اسيوط - نادي اسيوط الرياضي  

جي كروس jw cruise assiut (رحلة نيلية لمدة ساعتين)

ودي عبارة عن عبارة نيلية بتتحرك كل فترة معينة علي حسب الرحلات والمواعيد المحددة مسبقا ،العبارة كويسة ومناسبة للكابلز سعر الحجز للنفر بـ 150 جنية والرحلة لمدة ساعتين فالنيل بنسبة كبيرة هتكون رحلة مميزة خصوصا لو مع حد بترتاح له وحابب تغير جو بشكل مختلف في اسيوط مع العلم العبارة متحركة مش ثابتة

أشهر اماكن التنزة والفسح والخروج في اسيوط - جي كريوس jw assiut

حديقة ناصر بأبوتيج (حديقة الحيوان)

لو من صدفا او ابوتيج فحديقة ناصر من الاماكن الواسعة والمميزة القريبة منك والي تقدر تغير جو فيها انت وحبايبك ودا نظرا لأنها علي مساحة كبيرة والفترة الاخيرة تم تطوير الحديقة واضافة بعض الحيوانات الجديدة للمكان وتعتبر من اقدم الحدائق في اسيوط وأنشئت في عهد الرئيس جمال عبدالناصر علشان كدا اتسمت باسمة . 

أشهر اماكن التنزة والفسح والخروج في اسيوط - حديقة الحيوان وحديقة ناصر بابوتيج

الكوبري العلوي باسيوط

لو معاك عربية فممكن تأخد عيلتك وتطلعوا علي الكوبري العلوي فية شوية هوا يردوا الروح بالاضافة لأنكم هتلقوا عائلات كتير متجمعين علي الكوبري نظرا لنضافتة وتواجده علي ترعة الابراهيمية ونهر النيل محبيناش نرشح الكوبري غير فاخر المقال لأن البعض منكم ممكن يكون عنده حساسية من التواجد علي الكوبري لكن من باب تغيير الجو ولو انتوا شباب فهيفرق معاكم خروجة وتغيير الجو وكمان متنسوش التسالي علشان تستمتعوا وانتوا بتتمشوا 

أشهر اماكن التنزة والفسح والخروج في اسيوط - الكوبري العلوي باسيوط

وبكدا في المقالة دي نكون غطينا أشهر وافضل 8 أماكن للفسح وللخروج والتنزة في اسيوط 2023 وكمان متنساش تشوف قسم القوائم هتلقي محتوي ومقالات ممكن تعجبك بالاضافة لقوائم دليل مطاعم اسيوط 

تقدر تقولنا وترشح لنا مكان ممكن مذكرناهوش في القائمة دي ؟ ومن وجهة نظرك انهي مكان من الاماكن الموجودة بالقائمة فوق هو الافضل ؟

تعديل المقال